Бас жаңалықтар
ӘЧ. Ел құрамасы еселі жеңіспен оралды
03 Қыркүйек 2021, 20:52 946

ӘЧ. Ел құрамасы еселі жеңіспен оралды

Нұр-Сұлтан, BAQ.KZ. Қазақстан құрамасы биатлоннан және триатлоннан әлем чемпионатында 21 медальге қол жеткізіп, салтанатты жеңіспен оралды.

24-30 тамыз аралығында Германияның Вейден қаласында биатл және триатл бойынша Әлем Чемпионаты өтті. Бұл қазіргі бессайыс олимпиадалық спорт түрінің құрамдас бөлігі, бұқаралық спорт түрлері. Биатл мен триатл спорт түрі қазіргі бессайысты танымал ету, спорттың бұқаралығы мен қолжетімділігін арттыру үшін құрылған болатын. Ол су қоймасының немесе теңіздің жағасында ашық жерде өткізіледі, жүгіру, жүзу және ату сияқты спорт түрлерін қамтиды.

Қазақстандық делегация құрамында 14 адам болды. Қазақстан құрамасына 12 спортшы қатысты, олар медаль үшін күресте жеке есепте және эстафета-микс бойынша өнер көрсетті.

1. Т.Теміров

2. А.Бейсенбаев

3. М.Ысқақов

4. М.Жәкен

5. М.Шмулич

6. Р.Романчук

7. Н.Дубицкий

8. І.Әлиев

9. Ю.Петрова

10. А.Редченко

11. А.Голубь

12. А.Захарова

13. С.Пихидько – жаттықтырушы

14. Ю.Соловьев – жаттықтырушы

Біздің спортшылар барлығы 21 медаль (4 алтын, 9 күміс, 8 қола) жеңіп алды, бұл біздің команданың 2017 жылдан бастап биатл және триатлоннан Әлем чемпионатындағы ең сәтті өнер көрсетуі.

Бірінші күні - 26 тамызда биатлон эстафета-микс арқылы басталып, Қазақстан 19 жасқа дейінгі жас санатында чемпион атанды, сондай-ақ 17 жасқа дейінгі жас санатында тұғырда жүлдегерлердің бірі болды.

1 орын, 19 жасқа дейін – Захарова Анастасия және Жакет Мурат

3 орын, 17 жасқа дейін – Голубь Анатолий және Петрова Юлиана

Екінші күннің қорытындысы бойынша триатлоннан эстафета-микс спорт түрі бойынша Анастасия Захарова мен Максим Шмуличтен тұратын құрама 19 жасқа дейінгі жас санатында 3-ші орынна иеленіп, ал Петрова Юлиана мен Анатолий Голубь 17 жасқа дейінгі жас санатында күміс жүлдесіне ие болды.

Үшінші күні ерлер мен әйелдер арасында триатл бойынша жеке сынақ өтті, онда біздің құрама 7 медаль алды, оның ішінде 1 алтын, 4 күміс және 2 қола бар.

Ерлер арасында 2 және 3 орын: Аян Бейсенбаев пен Мейірлан Ысқақов.

Жасөспірімдер арасында 1 және 2 орын: Ілияс Әлиев пен Рашит Романчук.

19 жасқа дейінгі жасөспірімдер арасында 2 және 3 орын: Мұрат Жәкен және Максим Шмулич.

17 жасқа дейінгі жасөспірімдер арасында 2 орын: Никита Дубинский.

29 тамызда барлық жас топтары арасында биатл спорт түрімен аяқталған жарыстың соңғы күнінің қорытындысы бойынша Қазақстан құрамасы 10 медаль иегері болды, оның ішінде 2 алтын, 4 күміс және 4 қола.

Ерлер арасында 1, 2 және 4 орындар: Аян Бейсенбаев, Мейірлан Ысқақов және Темірлан Теміров.

Жасөспірімдер арасында 2 және 3 орын: Рашит Романчук және Ілияс Әлиев.

19 жасқа дейінгі жасөспірімдер арасында 1 және 2 орын: Максим Шмулич пен Мұрат Жәкен.

17 жасқа дейінгі жасөспірімдер арасында 2 және 3 орын: Никита Дубинский және Анатолий Голуб.

19 жасқа дейінгі қыздар арасында 3 орын: Юлиана Петрова.

17 жасқа дейінгі қыздар арасында 4 орын: Ангелина Редченко.

15 жасқа дейінгі қыздар арасында 3 орын: Анастасия Жаркова.

Биатл және триатл құрамасының бас бапкері Юрий Соловьев жарыс туралы атап өтті:

Биатлоннан және триатлоннан Әлем чемпионаты Германияның әдемі ескі қаласында, әсем көлде өтті, ауа-райы қолайсыз болса да, яғни 16 градус жылы болғанына қарамастан чемпионат жақсы өтті. Біздің спортшыларымыздың өнер көрсетулеріне келетін болсақ, ерлер санатында өнер көрсеткендерді ерекше атап өткіміз келеді, онда біз бұрын алтын медаль алмаған едік, ал біздің спортшылар тұғырда 1 және 2-орында тұрса, үшінші орында ересектер арасындағы биатл санатында аздап жеңіліс тапты. Темірлан Теміров бір күн бұрын қатты суықтап, бірнеше секунд ұтылып, 3-орынды ұстай алмады. Триатлон өтіп жатқанда біздің спортшыларымыз Бейсембаев Аян және Ысқақов Мейірлан 2 және 3 орындарға ие болған кезде Халықаралық федерацияның Президенті Клаус Шорман біздің спортшыларымызды атап өтіп, енді биатлонда 1 және 2 орындарға кім ие болатыны түсінікті болды. Әрине, осы әлем чемпионатында медальдердің рекордтық санын атағым келеді, – деп айтып өтті. 

Сапар «Самұрық-Қазына» ҰӘҚ» АҚ Бас серіктесі және Туризм мен спорт индустриясын қолдау қорының қолдауымен жүзеге асырылды.


Фото: ашық дереккөз
Загрузка...