1 мамыр – Қазақстан халқының бірлігі күні
1 Мамыр, 09:00 669

1 мамыр – Қазақстан халқының бірлігі күні

Нұр-Сұлтан, BAQ.KZ. Бүгін – Қазақстан халқының бірлігі күні. 1995 жылдың 18 қазанында Қазақстан президентінің жарлығымен Қазақстан халқының бірлігі күні бекітілді.

бұл күн "Қазақстан халықтарының бірлігі күні" деп аталған. Қазақстан халқы ассамблеясының атауы да көптік жалғаумен болды. Кейінірек көптік жалғау алынды. Негізгі мақсат – Қазақстан халқының біртұтас ел екенін көрсету.

Атаулы мереке ел Президентінің Жарлығына сәйкес, 1996 жылдан бастап атап өтіледі.

Қазақстан көпұлтты ел екені баршаға мәлім. Тәуелсіздік алғалы 130-дан астам ұлт өкілі ел аумағында тату-тәтті өмір сүріп келеді.

Қазақстан – Орталық Азия елдері арасында татулықтың үлгісі деуге болады. Себебі бірнеше ұлт өкілі салт-дәстүрі мен ұстанымына қарамастан ынтымақтастықта өмір сүріп жатыр.

Біздің ел – 30 жылдан астам тәуелсіздік тарихында сандаған ұлттың ұйытқысына айналып отыр.

Бүгінде Қазақстан Республикасы аумағында бірнеше ұлт өкілі өзара ынтымақтастық пен татуластықты ту етіп тіршілік етуде.

Ел басына қиын-қыстау заман туғанда кез келген халықтың бірлігі ішінара бірлік және ынтымақтастықпен өлшенеді. Осы орайда Қазақстан халқы ұлты мен дініне қарамастан Тәуелсіздік алғалы ұлт ретінде ұйып, бірлікті берік ұстанып келеді.


Фото: дереккөз
Загрузка...