Нұр-Сұлтан, BAQ.KZ. Бұл туралы Елбасының баспасөз хатшысы Айдос Үкібай Twitter-дегі парақшасында жазды.
Нұрсұлтан Назарбаев Түркістан қаласының халықаралық әуежайының ашылу салтанатына қатысты. Қаладан 20 км қашықтықта орналасқан әуежай халықаралық стандарттарға сай заманауи технологияларды қолдана отырып салынған, - деп жазды Айдос Үкібай.
Сонымен қатар Елбасы «Түркістан-Арена» стадионында болып, кейін «Конгресс Холл» көпфункционалды концерт залына барды. Елбасы концерттер, театрландырылған қойылымдар және басқа да іс-шаралар ұйымдастыруға арналған көпфункционалды мәдени нысанмен танысты.
Еске сала кетейік, Нұрсұлтан Назарбаев Түркістан қаласына барғаны туралы хабарлаған болатынбыз.
Сондай-ақ Айдос Үкібай Twitter-дегі парақшасында Нұрсұлтан Назарбаев бүгін әлемдік деңгейдегі қонақ үйге барғаны туралы жазды. Rixos Turkistan - бұл отандық инвестор есебінен салынған қаланың туристік инфрақұрылымының маңызды нысандарының бірі.
