Нұр-Сұлтан, BAQ.KZ. Нұрсұлтан Назарбаев праймериздегі онлайн дауыс беруге қатысты. Бұл туралы Елбасының Instagram парақшасында хабарланды.
«Nur Otan» партиясының төрағасы Нұрсұлтан Назарбаев праймериздегі онлайн дауыс беруге қатысты.
Елбасы ішкі партиялық іріктеуге қатысушылардың үгіт-насихат жұмыстарын және қоғамдық пікірталастарды мұқият бақылағанын атап өтті.
Қазақстанның Тұңғыш Президенті үгіт-насихат пен пікірталастар кезінде партия назарға алуға тиіс бірқатар конструктивті ұсыныс айтылғанына тоқталды. Нұрсұлтан Назарбаев барлық партия мүшелерін дауыс беруге белсенді қатысуға шақырды, - делінген хабарламада.
