«Қазгидромет» РМК синоптиктері 24 сәуірге арналған ауа райы болжамын және дауылды ескертуді ұсынды, деп хабарлайды BAQ.KZ.
Кей аймақтарда күшті жел соғып, тұман түседі. Республиканың оңтүстігінде, оңтүстік-батысында шаңды дауыл тұрады.
Республиканың басым бөлігінде атмосфералық фронтальды бөліктердің өтуінен жаңбыр жауады, солтүстікте, шығыста, оңтүстікте найзағай ойнайды.
Қазақстан бойынша жел күшейіп, батыста, солтүстікте тұман, ал оңтүстікте, оңтүстік-батыста шаңды дауыл болады, – делінген хабарламада.
