Наурыз мейрамы: АҚШ елшісі баланың тұсауын кесті

Наурыз мейрамы: АҚШ елшісі баланың тұсауын кесті
VIDEO
579

Қазақстандағы АҚШ елшілігі қазақстандықтарды Наурыз мейрамымен құттықтады, деп хабарлайды BAQ.KZ тілшісі.

Құттықтау видео форматында елшіліктің Facebook-тегі ресми парақшасында жарияланды.

Жыл сайын АҚШ елшілігі Наурыз мерекесіне арнап, үлкен жиын, дүбірлі іс-шара өткізеді.

Биыл елшілік қызметкерлері қазақтың ұлттық дәстүрін дәріптеп, қойылымдар мен ойындар ұйымдастырды. Қызметкерлер асық атып, тоғызқұмалақ ойнап жарысып, ою оюды үйренді, би билеп, ән айтып, көңіл көтерді, - деді елшілік.

Видеода ұлттық киім киген елшілік қызметкерлері далада қазан астына от жағып, ыстық бауырсақ пісірді.

Сондай-ал елші Дэниел Розенблюм мен елшінің орынбасары Джуди Куо баланың тұсауын кесті.

Күннің алғашқы нұры әрбір шаңыраққа бақ-береке әкелсін. Келе жатқан қасиетті Рамазан айы мүбәрак болсын! Көктем баршамызға түсіністік пен үміт сыйласын! – деді елші өз құттықтауында.

Қысқа да нұсқа. Жазылыңыз telegram - ға

Фото: скриншот
Өзгелердің жаңалығы