Мұхтар Мағауин Түркияға көшіп келді

25 Қыркүйек 2023, 22:46
4137
Бөлісу:
Мұхтар Мағауин Түркияға көшіп келді
Фото: Әлеуметтік желіден

Қазақстанның Халық жазушысы Түркияға қоныс аударды, деп хабарлайды BAQ.KZ.

Жазушы, журналист Қорғанбек Аманжолдың айтуынша, қазір Мұхтар Мағауин Түркияның Кемер қаласында тұрып жатыр.

Жаңалыққа қарай қалшы, ағайын,

Ақ теңізде шомылады Мағауин.

Түркияда келіп жетті Кемерге,

Қуаныштан жанға шуақ жағайын!

Жақсы жаңалықты сүйіншілеген Қуанышбек бауырым,

Желіге салған хатшысы Қорғанбек Аманжол деп біліңіздер...

Енді Мұхтар Мағауин ағатайым мұхиттың ар жағында емес, «Ассалаумағаләйкүміңіз» әп-сәтте жететін жақын жерде, жамағайын елде екеніне қуанып жүріңіздер, - деп жазды Қорғанбек Аманжол Facebook әлеуметтік желісінде.

Айта кетейік, соңғы жылдары жазушы Мұхтар Мағауин Америка Құрама Штаттарында өмір сүрді. Ал 2007 жылы ол Чехияға қоныс аударған болатын.

Өзгелердің жаңалығы