Көлік және жол-көлік инфрақұрылымын дамыту басқармасы Мұхтар Әуезов көшесіндегі жол төсемін жөндеуді бастады, деп хабарлайды BAQ.KZ Elorda.info сілтеме жасап.
Жөндеу жұмыстарының жүргізілуіне байланысты 19-21 тамыз аралығында Сәкен Сейфуллин көшесінен Әліби Жангелдин көшесіне дейінгі учаскеде автокөлік құралдары үшін қозғалыс толығымен жабылды.
Елорда тұрғындары мен қонақтары қала жолдарында кептеліс тудырмау үшін қозғалыс бағыттарын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды сұраймыз, – делінген хабарламада.
