Тарихымыздың парағына алтын әріптермен жазылған тәуелсіздік еліміз үшін ұлы мереке! Тәуелсіздік ата бабамыздан болашақ ұрпаққа аманат болып қалған баға жетпес байлық. Биыл Тәуелсіздік алғанымызға 32 жыл толды, деп хабарлайды BAQ.KZ тілшісі.
Тәуелсіздік мерекесі қарсаңында елордадағы “Ақбота” балабақшасына барып, кішкентай бүлдіршіндердің Тәуелсіздік күніне арналған өлең-жырларын тыңдап қайттық. Жас ұрпақтың тәуелсіздіктің қадірін түсінуі өте маңызды. Ата-бабамыз аңсап жеткен егемендікті өскелең ұрпаққа насихаттай беру негізгі міндет.
