Қазақстан мемлекеттілігінің қалыптасуы туралы еңбек таныстырылды

23 Қараша 2019, 10:45
3608
Бөлісу:
Қазақстан мемлекеттілігінің қалыптасуы туралы еңбек таныстырылды
PHOTO

Нұр-Сұлтан, BAQ.KZ. Назарбаев орталығында «Қазіргі Қазақстан мемлекеттілігінің қалыптасуы және дамуы (түпнұсқа)» кітабының тұсаукесері өтті.

Туынды Қазақстанның егемендік алуының тарихи үдерісіне, тәуелсіздіктің бағаналы тірегі болған жеке институттардың қалыптасуы мен жетілуіне арналған.

4.JPG

Елбасы Нұрсұлтан Назарбаев бастамашылық еткен қайта құрулар мен реформаларға тікелей қатысы бар мемлекет және қоғам қайраткерлері кітапты жазуға атсалысты. Кітап сонысымен құнды, сонысымен ерекше. Бұлар Қазақстан тәуелсіздігінің алғашқы онжылдығында Тұңғыш Президентпен бірге мемлекеттің маңызды институттары мен салаларын құру және дамыту жолында еңбек еткендер. Бұл еңбек арқылы оқырман егемен Қазақстанның даму кезеңдері, Елбасының идеялары мен нұсқауларының қалай жүзеге асқаны туралы біле алады.

1.JPG

Салтанатты рәсімде сөз алған Қазақстан Республикасының Тұңғыш Президенті - Елбасы қорының атқарушы директорының орынбасары Игорь Рогов аталған еңбектің маңыздылығына тоқталды.

Кітап тарихшылар, ғалымдар мен саясаттанушылар үшін маңызды ақпарат көзі болып табылады. Сонымен қатар, кітаптың жас ұрпақ үшін ерекше маңызы бар деп санаймын. Ел тәуелсіздігінің алғашқы онжылдығында қандай кезеңдерді бастан өткергенін, жаңа әлемде жаңа Қазақстанды құруда Елбасының қандай іргелі ұстанымдар мен көзқарастарды басшылыққа алғанын жастар білуі тиіс. Осылайша, жастардың кітапты оқуы туған өлкенің тарихын білуге, оны насихаттауға, жастар арасында патриотизмді нығайтуға ықпал етеді. Бүгін тұсауы кесілген еңбектің басты құндылығы осында жатса керек, - деді ол.

2.JPG
Толымды туынды туралы Қазақстан Республикасы Конституциялық Кеңесінің Төрағасы Қайрат Мәми де тұшымды пікір білдірді. Бұл ретте, ол елдегі реформаларға қатысқан адамдардың кітап жазудағы маңыздылығын атап өтті.
Ұлы Наполеонның сөздері бар: "Біз тарихшылар көшіріп жазатын тарихты жазамыз" - деген. Бұған жол бермеу үшін тарихты дер кезінде байытып отыру керек - деді Қайрат Мәми.
Өзгелердің жаңалығы