Мемлекеттен берілетін жалдамалы пәтер иелерінің тізімі жарияланды

7 Шілде 2022, 15:15
1816
Бөлісу:
Мемлекеттен берілетін жалдамалы пәтер иелерінің тізімі жарияланды

Нұр-Сұлтан, BAQ.KZ. Нұр-Сұлтан қаласында жалдамалы пәтер алған тұрғындар белгілі болды.

Бұл туралы Elorda.info хабарлады.

18-24 маусым аралығында үй кезегінде тұрған әлеуметтік жағынан осал топтағы азаматтарға арналған 117 пәтердің (1,2,3 бөлмелі пәтерлер) иелері анықталды. Бұл - сатып алу құқығынсыз жалға берілетін тұрғын үй бағдарламасы.

Аталған бағдарламаның нәтижесін және баспаналы болғандардың тізімін zhilfond.kz сайтынан көруге болады.

Әлеуметтік жағынан осал топтар санаты бойынша 1 бөлмелі пәтерге - 2009 жылдың 11 ақпанына дейін, 2 бөлмелі пәтерге - 2010 жылдың 5 ақпанына дейін, 3 бөлмелі пәтерге - 2008 жылдың 18 тамызына дейін кезекте тұрғандар ие болды.

Жетім балалар санаты бойынша 1 бөлмелі пәтерге - 2010 жылдың 21 мамырына дейін, 2 бөлмелі пәтерге - 2012 жылдың 8 тамызына дейін, 3 бөлмелі пәтерге - 2012 жылдың 13 шілдесіне дейін кезекте тұрғандар өтті.

Бағдарлама бойынша өткендердің барлығына жақын арада тұрғын үй орталығының қызметкерлері қоңырау шалып, әрі қарай не істеу керектігін хабарлайды.

Өзгелердің жаңалығы