Мемлекет басшысы Түрікменстан Президенті Сердар Бердімұхамедовпен кездесті

29 Маусым 2022, 15:49
1104
Бөлісу:
Мемлекет басшысы Түрікменстан Президенті Сердар Бердімұхамедовпен кездесті

Нұр-Сұлтан, BAQ.KZ. Қазақстан Президенті, ең алдымен, түрікмен жеріндегі дәстүрлі қонақжайлығы үшін ризашылығын білдірді, деп хабарлады Ақорданың ресми сайты.

Бұл – Сердар Бердімұхамедов Президент болып сайланғаннан кейінгі екі ел басшыларының алғашқы бетпе-бет кездесуі. Осыған орай Мемлекет басшысы Түрікменстанның жаңа Президентін сайлаудағы жеңісімен құттықтады.

Қасым-Жомарт Тоқаев бүгін Ашхабадта өтетін Алтыншы Каспий саммитіне ерекше мән беретінін жеткізді. Қазақстан Президенті саммиттің нәтижесі Каспий маңы мемлекеттерінің достық пен тату көршілік байланыстарын одан әрі нығайтуға елеулі үлес қосып, өзара тиімді ынтымақтастықтың көкжиегін кеңейтетініне сенім білдірді.

Мемлекет басшысы Түрікменстан Президенті Сердар Бердімұхамедовпен кездесті

Сердар Бердімұхамедов Қасым-Жомарт Тоқаевқа шақыруын қабыл алғаны үшін ризашылығын білдіріп, осы саммитке қатысты ойын айтты. Түрікменстан Президенті бәрімізге ортақ Каспийдің игілігі үшін бүгін келелі басқосу болатынын жеткізді.
 

Өзгелердің жаңалығы