Жылдың басында Марқакөл ауданында қалың қар жауып, табиғи сыйпаттағы төтенше жағдай жарияланған болатын. Арада 12 күн өткенде барып ең шеткі ауылдарға дейін жолдар ашылған еді, деп хабарлайды BAQ.KZ Altainews.kz-ке сілтеме жасап.
Ал бүгін ауыл тұрғындары тағы да 40 см қар жауып қалғанын айтты. Алайда жол ашық, жағдай қалыпты.
Алғашқы қалың қардан кейін ауылдарға жем-шөп жеткізіліп, тебінсіз қалған жылқылар ойға түскен болатын.
Тағы да 40 см қар жауып қалды. Жол тазалаушылар жұмыс істеп жатыр. Облыстық "Шығыс жол" ЖШС-да жұмыс істеп жатыр. Қазір халықтың жағдайы қалыпты. Көрші Зайсан ауданын шөп әкелініп, халыққа таратылды, – дейді ауыл тұрғыны Қайыркен Қазыбекұлы.
Айта кетейік, Марқакөлде жарияланған табиғи сипаттағы төтенше жағдай әлі сол қалпында қалып отыр.
