Марокко жоғары оқу орындарына құжаттарды қабылдау мерзімі ұзартылды, деп хабарлайды BAQ.KZ.
Марокко Корольдігі серіктес елдерге 2025-2026 оқу жылына арналған Марокконың жоғары, техникалық және кәсіптік мемлекеттік оқу орындарында стипендиямен 20 оқу грантын ұсынады.
Оқу деңгейлері:
* Бакалавриат;
* Магистратура;
* Докторантура.
Оқыту тілі: Мароккодағы көптеген оқу орындарында оқытудың негізгі тілі – француз тілі. Ғылыми, техникалық және экономикалық бағыттарын таңдаған, бірақ француз тілін меңгермеген үміткерлер Рабат қаласындағы Халықаралық тілдер орталығында AMCI ұйымдастырған дайындық курсынан өтуі тиіс.
Грант келесі шығындарды қамтиды:
- ай сайынғы стипендия – 750,00 дирхам (шамамен 75 АҚШ доллары);
- медициналық сақтандыру;
- тұру шығындары (өтінім бойынша);
- тамақтану шығындары (өтінім бойынша).
Үміткерлер өз өтініштерін 2025 жылғы 31 шілдеге дейін Қазақстан Республикасының Марокко Корольдігіндегі Елшілігіне жолдауы қажет: email: kazembmar@gmail.com
Барлық толық ақпарат біздің ресми сайтта жарияланған: https://bolashak.gov.kz/kz/allnews/marokko-zhoary-ou-oryndaryna-zhattardy-abyldau-merzimi-zartyldy
