Нұр-Сұлтан, BAQ.KZ. Құмды дауыл теміржолға қауіп төндіргендіктен Бейнеу-Маңғыстау аумағындағы 10 рзд-Маната, 14 рзд-15 рзд сатыларында пойыздардың жылдамдығы сағатына 25 шақырымға шектелді.
Бұл туралы «Қазақстан темір жолы» ҰК» АҚ баспасөз қызметі хабарлады.
Осы себепті Ақтөбе-Маңғыстау бағытындағы №110 пойыз Маңғыстау станциясына 42 минутқа кешігіп жетті.
Өткен тәулікте аталған учаскедегі жолды құмнан таразтуға 2 арнайы жабдықталған жол техникасымен 30 адам жұмылдырылып, 3 шақырым жол қалпына келтірілді.
Шаң-тозаң жиі көтерілетін Маңғыстау облысында теміржолшылар желіні құмнан күн сайын тазартып тұрады десе де болады.
Сонымен қатар, кейбір учаскелерде қамысты және шпалды тор қоршаулар орнатылады.
