Нұр-Сұлтан, BAQ.KZ. Маңғыстау облыстық денсаулық сақтау басқармасының басшысы Ақтау қалалық №1 емханасының егу пунктін тексерді. Аймақтың бас дәрігері Аманбек Қабдешұлы Ақтау қалалық №1 емханасы болды.
Бұл мекемеде де коронавирустық инфекцияға қарсы бірнеше екпе кабинеті бар. Медициналық мекеме директорының міндетін атқарушы Азамат Үсенов вакцинацияның барысы туралы баяндап берді.Оның айтуынша, емханада алғашқы медициналық-санитарлық көмек, консультациялық-диагностикалық, сондай-ақ мамандандырылған көмек ересектермен қатар балаларға да көрсетіледі.
Айта кету керек, мұнда бірнеше мобильді бригадалар бар, олар жедел респираторлық аурудың белгілері бар, COVID-19, пневмониямен күдіктенген немесе ауырған науқастарға үйде амбулаторлық және емханалық көмек көрсетеді.
Үйге барған кезде мобильді топтар келесі қызметтерді ұсынады: науқасты бастапқы тексеру, ауырлығын бағалау, экспресс-тест және (немесе) ПТР-тест көмегімен COVID-19 инфекциясын жұқтырған немесе жұқтырмағанын анықтау, рентгенографияға немесе компьютерлік томографияға жолдау, үйде емдеу немесе ауруханаға жатқызу туралы сұрақтарды шешеді. Жылжымалы бригадалардың қызметтері тұрғындарға ақысыз түрде көрсетіледі, - деді ол.
Сонымен қатар пациенттер жалпы тәжірибелік дәрігерден алдын ала тексеруден өтетінін, олардың температурасын, қан қысымын өлшейтінін, созылмалы аурулардың болуын білдіретін, вакцинациядан кейін сақтық шараларын қолдану қажеттігін түсіндіреді.
Мүмкіндігі шектеулі жандарға арналған арбаны пайдаланушылардың кедергісіз кіріп-шығуын қамтамасыз ету мақсатында, емханаға кіре берісте кіру нүктесінің белгісі мен шақыру түймесі бар пандус орнатылған, - делінген хабарламада.
Денсаулық сақтау басқармасының басшысы стендтерді алдағы уақытта толық ақпаратпен толықтыруды міндеттеді. Сонымен қатар ситуациялық орталықтың жұмысын, мобильді топтардың, сенім телефондарының, соның ішінде Call-орталықтың жұмысын бірінші басшы өзінің жеке бақылауына алуды, әрдайым ғимараттың тазалығына ерекше назар аударып отыруды тілге тиек етті.
Бұдан бөлек емхана қызметкерлері үшін вирустың таралуымен күресудің баламасы жоқ жалғыз жолы болып табылатын вакцинацияның оң әсері туралы халыққа түсіндіру жұмыстарын жүргізуді әлі де қолға алуды тапсырды.
