Маңғыстау облысында көші-қон заңнамасын бұзғаны үшін 200-ден астам шетелдік азамат әкімшілік жауапқа тартылды, деп хабарлайды BAQ.KZ.
Жедел-профилактикалық іс-шараның алғашқы үш күнінде көші-қон қызметкерлері 319 әкімшілік құқық бұзушылық фактісін анықтады, - деп атап өтті өңірдің полиция департаменті.
Ведомствоның мәліметінше, 248 шетелдік азамат жауапқа тартылған.
Қазақстанның 64 азаматына шетелдіктерді немесе азаматтығы жоқ адамдарды қабылдайтын жеке не заңды тұлғалардың көші-қон заңнамасын бұзғаны үшін айыппұл салынды. Сонымен қатар ережелерді елемей, шетелдіктерді заңсыз жұмысқа тартқаны үшін жеті құқық бұзушы анықталды, - деп толықтырды полиция.
Сондай-ақ департаменттің баспасөз қызметі сот Қазақстаннан шығару туралы 17 үкім шығарғандығын мәлімдеді.
