Нұр-Сұлтан, BAQ.KZ. 19 қаңтар күні өтетеін UFC 246 турниріне билеттер бір тәулік ішінде сатылып кетті. Кештің басты жекпе-жегінде 77 келі салмақ дәрежесінде ирландиялық Конор МакГрегор мен Дональд Серроне кездеседі, деп жазады Prosports.kz.
Билеттер құны 200-1500 АҚШ доллары арасында бағаланған. Қазіргі кезде билеттерден 10 миллион АҚШ доллары пайда түскен.
МакГрегор мен Серроне кездесуі Лас Вегастағы T-Mobile Arena-да өтетін болады.
36 жастағы Дональд Серроне ММА-де 50 жекпе-жек өткізіп, 36 рет жеңіс тойын тойлаған. Ал МакГрегор 25 кездесу өткізіп, 21 рет қарсыластарынан басым түссе, төрт рет жеңіліс дәмін татқан.
Естеріңізге салатын болсақ, Конор МакГрегор соңғы жекпе-жегінде ресейлік Хабиб Нурмагомедовтен қылқындыру әдісімен жеңіліп қалған болатын.
