Нұр-Сұлтан, BAQ.KZ. Қытай мен Ресей Ауғанстанда билікті басып алған «Талибанның» ауған халқын басқаратынын мойындауды жоспарлап отыр.
Бұл туралы DailyMail жазды.
Анықталғандай, аталған мемлекеттер тәліптермен достастық қарым-қатынас орнатуға ниетті. Сонымен қатар олар билікті бейбіт жолмен тапсыруға шақыруда.
Сондай-ақ Ресей өз елшілігін елден эвакуацияламайды. Себебі тәлібтер Ресейдің димломатиялық персоналының қауіпсіздігіне кепілдік берген.
РФ СІМ Кабулда жаңа билікпен қызметтік қарым-қатынастарды орнатқаны жөнінде хабарлады.
Ресейдің Кабулдағы елшілігі штаттық режимде жұмыс істеп жатыр. Ресейдің шетелдік мекемесінің қауіпсіздігін қамтамасыз ету мақсатында жаңа билік өкілдерімен қызметтік қарым-қатынас орнатылды, - делінген хабарламада.Сондай-ақ ресейлік СІМ-нің мәліметінше, Кабулда және жалпы Ауғанстанда жағдай түзеліп келеді.
Тәлібтер қоғамдық тәртіпті орнатуға кірісті. Сонымен қатар шетелдік дипмиссиялар мен жергілікті тұрғындардың қауіпсіздігіне кепілдік берді. Барлық ауған тарапын зорлық-зомбылықтан бас тартып, елде барлығын бейбіт жолмен шешілуге септесуге шақырамыз, - делінген хабарламада.France 24 хабарлағандай, Қытай СІМ баспасөз хатшысы Хуа Чунин мәлімдеме жасаған. Айтуынша, «Талибан» республикамен қарым-қатынасты дамыту туралы және Ауғанстанды қалпына келтіру туралы бірнеше мәрте мәлімдеген.
Қытай ауған халқының өз тағдырын өз бетінше анықтау құқығына сыйластықпен қарап, Ауғанстанмен достық қарым-қатынасты дамытуды жалғастыруға дайын, - деді Чунин.Бұл ретте палестиналық ХАМАС тобы «Талибан»-ды билікке қол жеткізгенімен құттықтап үлгерді.
