Астана қаласы Жастар саясаты мәселелері басқармасы «Астана жастары» жастар ресурстық орталығымен бірлесіп, «Көшпенділер әлемі» этноауылы аумағында елорда қонақтары мен тұрғындарына бауырсақ тарату акциясын ұйымдастырды, деп хабарлайды BAQ.KZ.
Елорда әкімдігінің ресми сайтының мәліметінше, барлығы 100 келіден астам бауырсақ таратылды.
![Көшпенділер ойындары. Астана еріктілері 100 келіден аса бауырсақ таратты](/userfiles/images/photo_5411496795839784363_y%20(1).jpg)
Тарату барысында елордалық еріктілер шетелдік қонақтарға бауырсақтардың қазақ мәдениетіндегі маңызы және олардың дәстүрлі дайындығы туралы айтып берді. Іс-шара шетелдіктер арасында үлкен қызығушылық тудырды, олардың көпшілігі бұл тағамды алғаш рет дәмін татып көрді.
Бұл Қазақстан мәдениетімен тамаша танысу болды, - деп бөлісті қатысушылардың бірі.
Елордалық еріктілер мұндай іс-шаралар әртүрлі елдер арасындағы мәдени байланыстарды нығайтуға көмектесетінін атап өтті.
Айта кетейік, 5-ші Дүниежүзілік көшпенділер ойындары Астанада 8-13 қыркүйек аралығында өтіп жатыр, оған әлемнің 89 елінен 2500-ден астам спортшы қатысуда.
![Көшпенділер ойындары. Астана еріктілері 100 келіден аса бауырсақ таратты](/userfiles/images/photo_5411496795839784362_y.jpg)
5-ші Дүниежүзілік көшпенділер ойындары аясында Астанада 5 этноауыл жұмыс істеп тұр, олар «Қазанат» ипподромы, «Қазақ елі» монументі, «Ататүрік» саябағы, «Бәйтерек» монументі және Орталық саябақ аумақтарында орналасқан.
Елорда тұрғындары, қонақтар мен ойын қатысушылары үшін Этноауылдың барлық мәдени іс-шараларына кіру тегін. Дүниежүзілік көшпенділер ойындарының спорттық жарыстарына тек билетпен кіруге болады.
![Көшпенділер ойындары. Астана еріктілері 100 келіден аса бауырсақ таратты](/userfiles/images/photo_5411496795839784364_y.jpg)