Коронавирус: Алғаш рет Қытай шекарасынан тыс жерде кісі өлімі тіркелді

2 Ақпан 2020, 10:19
4218
Бөлісу:
Коронавирус: Алғаш рет Қытай шекарасынан тыс жерде кісі өлімі тіркелді

Нұр-Сұлтан, BAQ.KZ. Қытай шекарасынан сыртта коронавирустан бір адам қайтыс болды.

Өлім Филиппинде тіркелді. 44 жасында қайтыс болған ер адам Уханнан келген. Бұл туралы Дүниежүзілік денсаулық сақтау ұйымының Филиппиндегі бөлімі Twitter-інде жазды.

Ол Филиппинде коронавируспен ауырған екі адамның бірі болған. 1 ақпан күні көз жұмды.

Қазір Қытайда 13846 адам коронавирус жұқтырған, 304 адам қайтыс болды. 

Дүниежүзілік денсаулық сақтау ұйымы жаңа коронавирустың өршуін халықаралық мәні бар төтенше жағдай деп жариялады.

Өзгелердің жаңалығы