Көпбалалы отбасылар жаңа үйлерге қоныстанды

16 Желтоқсан 2020, 20:43
2070
Бөлісу:
Көпбалалы отбасылар жаңа үйлерге қоныстанды
PHOTO

Нұр-Сұлтан, BAQ.KZ. Жамбыл облысындағы «Асарлатып үй салу» жобасы аясында жаңа үйлерді пайдалануға беру бірқатар жаңа елді мекендерде жалғасын тапты. Тәуелсіздік күні қарсаңында Жамбыл ауданындағы Бірлесу-Еңбек, Аса, Құмтиын, Бесағаш ауылдарындағы төрт отбасы жаңа үйлерге қоныстанды.

Аса ауылындағы Маржан Жайшыбекованың отбасына жаңа 7 бөлмелі үйдің кілті табысталды. Төрт бала тәрбиелеп отырған ана қуаныштан көз жасына ерік берді. Ол жанашыр жерлестеріне алғыс айтып, әрбір үйде мереке бола беруін тіледі.

Көпбалалы отбасылар жаңа үйлерге қоныстанды

Бірлесу-Еңбек ауылында тұратын Дәурен Сейділдаевтың да үйі ескіріп, тозығы жеткен болатын. Оны жөндеуіне мүмкіндігі болмаған. Осыған алаңдаушылық танытқан ауыл тұрғындары жергілікті әкімдіктің қолдауымен үй салып берді. Асарлатып салынған бес бөлмелі жаңа үй  бірнеше айдың ішінде-ақ бой көтеріп үлгерген. Сондай-ақ, жанашыр адамдар қажетті жиһаз бен азық-түлік сатып алып беруге қол ұшын созған. Дәурен жұбайы Зурахан екеуі 5 бала тәрбиелеп отыр.

Көпбалалы отбасылар жаңа үйлерге қоныстанды


Осы жобаның арқасында ұмытылып бара жатқан дәстүріміз қайта жаңғыруда. Игі іске атсалысқан баршаның отбасында бақ-береке орнасын!  Жаңа қоныстой иелеріне амандық, ырыс-ынтымақ тілеймін, - деді аудан әкімінің орынбасары Ерлан Қыдыралұлы.

Көпбалалы отбасылар жаңа үйлерге қоныстанды

Ал, Бесағаш ауылында жаңа үйдің кілті көп балалы ана Патима Момуоваға табысталды.

Бүгін менің көптен күткен арманым орындалды. Енді біздің өз баспанамыз бар. Бұған үлес қосқан баршаңызға үлкен алғысымды білдіремін, - деді көпбалалы ана.

Көпбалалы отбасылар жаңа үйлерге қоныстанды

Құмтиын ауылының тұрғыны Талғат Сырғабаев  та баспаналы болды. Енді оның отбасы 6 бөлмелі үйде тұратын болады.

Көпбалалы отбасылар жаңа үйлерге қоныстанды

Айта кетейік, «Асарлатып үй салу» жобасы облыс әкімі Бердібек Сапарбаевтың бастамасымен жүзеге асырылуда. Оның аясында ауылдастары бірлесіп мұқтаж және көпбалалы отбасыларға, мүгедектерге асарлатып үй салып беруде. Мұқтаж отбасылар жергілікті ақсақалдар кеңесімен анықталады. Биылғы жылы «Асар» бастамасы аясында облыс бойынша 117 үй бой көтеру жоспарланған.

Өзгелердің жаңалығы