Қопа көлінің жағалауында экологиялық акция өтті

24 Шілде 2021, 18:20
2577
Бөлісу:
Қопа көлінің жағалауында экологиялық акция өтті
PHOTO

Ақмола облысы, BAQ.KZ тілшісі. Ақмола облысының экология департаменті Ақмола облысының табиғатты қорғау полициясымен бірлесіп Қопа көлінің жағалау аймағын қоқыстан тазарту жұмыстарын жүргізді.

Экологиялық акция шеңберінде демалушылар арасында ақпараттық-түсіндіру жұмыстарын жүргізді. Экологиялық акцияға 50-ге жуық адам қатысты.

Бұл рейдтердің негізгі мақсаты-табиғатқа ұқыпты қарау, сондай-ақ экологиялық мәдениеттілікке тәрбиелеу. 

Қопа көлінің жағалауында экологиялық акция өтті

Ұйымдастырушылардың айтуынша, бұдан әрі бұл іс-шара облыстың басқа да рекреациялық аудандарында өткізілетін болады.

Кейбір тұрғындар әлі де мәдениетті демалысқа үйренбеген және өздерінен кейін тау-тау қоқыс қалдырады.


Экология, геология және табиғи ресурстар министрінің тапсырмасын орындау аясында Ақмола облысы бойынша экология департаменті аймақтың полиция департаментімен және жергілікті атқарушы органдардың өкілдерімен бірлесіп рекреациялық аймақтар бойынша, сондай-ақ адамдар көп жиналатын жерлерде қалдықтарды заңсыз орналастыру фактілерін жою бойынша рейдтік іс-шаралар жүргізуде. Сонымен, Қопа көлінің жағасында демалушылар арасында демалыс орындарын тұрмыстық қоқыспен ластауға жол бермеу бойынша ақпараттық-түсіндіру жұмыстары жүргізілді. Біз ақмолалықтарды табиғатқа ұқыпты қарауға шақырдық, - деп атап өтті Ақмола облысы бойынша экология департаментінің басшысы Қадырхан Бейсенбаев.

Оның айтуынша, департамент мұндай іс-шараларды апта сайын өткізеді. Осыған ұқсас акциялар өңірде өткен жылы да өткізілді.


Бізде "Қазақстан Ғарыш Сапары "ҰК" АҚ-мен шарт жасалды, оның аясында бізге қоқыс үйінділерінің ғарыштық түсірілімдері жіберіледі. Биыл бізде 632 осындай стихиялық полигондар болды. Жергілікті атқарушы органдар бұл мәселені шешумен айналысып жатыр, - деді Қадырхан Бейсенбаев.

Рейдке қатысқан Көкшетау қаласының табиғатты қорғау полициясының аға лейтенанты Саят Қожахметов қала тұрғындарын тазалық сақтауға шақырып, жауапкершілік туралы ескертті. Бұл Әкімшілік құқық бұзушылық ҚР ӘҚБтК-нің 434-бабының 1-бөлігі бойынша бес АЕК (14585 тг) мөлшерінде айыппұл салуға әкеп соғады.

Қопа көлінің жағалауында экологиялық акция өтті

Демалушылармен әңгімелесуден басқа, рейдке қатысушылар - бұл шамамен 50 адам - Қопа көлінің жағалау аймағын тазарту бойынша сенбілік өткізді. Жағадан шамамен 15 текше метр қоқыс шығарылды.

Алдағы уақытта біз осындай іс - шараларды облыстың басқа рекреациялық аудандарында, атап айтқанда Бурабай және Зеренді курорттарында өткізуді жоспарлап отырмыз, - деп қорытындылады Ақмола облысы бойынша экология департаментінің мемлекеттік экологиялық бақылау бөлімінің басшысы Арыстанбек Тасқынбаев.


Өзгелердің жаңалығы