Еліміздің екі өңіріндегі сібір жарасының жерлеу орындарында бұзушылықтар анықталды, деп хабарлайды BAQ.KZ Ветеринариялық бақылау және қадағалау комитетінің баспасөз қызметіне сілтеме жасап.
Сібір жарасы бар жерлеу орындарындағы ережелердің бұзылуын сыбайлас жемқорлыққа қарсы қызметтің мониторингтік тобы анықтады.
Атап айтқанда, Алматы облысының Талғар ауданында уәкілетті органның нұсқамаларына қарамастан, жергілікті атқарушы органдар бұзушылықтарды түзету үшін ешқандай әрекет жасаған жоқ. Мониторинг қорытындысы бойынша, заңнамаға сәйкес Талғар аудандық аумақтық инспекциясы аудан әкімдігіне анықталған сәйкессіздіктерді нақты мерзімде, сібір жарасының жерлеу объектілерінде түзетуге міндеттеме жүктейді, - делінген комитет хабарламасында.
Айта кетейік, сібір жарасы жерленген жерлерде қоршаулар, ескерту белгілері салу және зоогигиеналық және ветеринариялық-санитариялық нормалардың сақталуы жергілікті атқарушы органдардың құзыретіне кіреді.
Сонымен қатар, Жетісу облысының Текелі қаласында осындай жерлеу орындарын тексеру кезінде аумақтық инспекция мен сыбайлас жемқорлыққа қарсы қызметте шағымдар туындады. Қала әкімінің атына сібір жарасының жерленуін қоршауды және санитарлық нормаларға сәйкес келтіруді талап ететін хаттар жолданды.
Жетісу облысында сібір жарасының 158 ошағы және 134 жерлеу орны тіркелген. Мұндай нысандардың көпшілігі қоршалған, тиісті ескерту тақталары бар. Жерлеудің бір бөлігі жеке аулаларда тіркелген және мемлекеттік жер кадастрының автоматтандырылған ақпараттық жүйесіне енгізілген. 2023 жылы Жетісу облысының санитарлық-эпидемиологиялық бақылау департаменті сібір жарасы жерленген жерлерден 790 топырақ сынамасына талдау жүргізді, зерттеу нәтижелері теріс болып шықты, - деп атап өтті комитеттегілер.
Жалпы Қазақстан бойынша 2571 сібір жарасы жерленген. Олардың барлығы сәйкестендіру белгілерімен белгіленген және қоршалған.
Еске салсақ, Абай облысы, Бесқарағай ауданы, Жетіжар ауылының тұрғыны сібір жарасы ауруына шалдыққан деген күдікке ілінді. Қазір ауылда төтенше жағдай жарияланды.
