ҰҚК экс-басшысы Кәрім Мәсімовке кешірім беруден бас тартылуы мүмкін. Бұл туралы Мәжіліс депутаты Марат Башимов өзінің Facebook-тегі парақшасында жазды, деп хабарлайды BAQ.KZ тілшісі.
Депутат Кешірім жасау мәселелері жөніндегі комиссияның отырысы өткенін айтты.
Башимов мынадай мәселелерге тоқталды:
1. Қазақстан Республикасы Президентінің жанындағы Кешірім жасау мәселелері жөніндегі комиссияның міндеті — кешірім жасау туралы материалдарды алдын ала қарау.
2. Комиссия Мемлекет басшысының жанындағы консультативтік-кеңесші орган. Комиссияның қызметі Мемлекет басшысының Жарлығымен бекітілген ережемен реттеледі. Тіркелетін өтініш берілгеннен кейін ІІМ ҚАЖК,БПжәнеЖоғарғы Сотқа сауалдар жіберіледі. Ақпарат алғаннан кейін ол комиссияда мұқият талқыланады.
3. Кешірім жасау жөніндегі комиссияның құрамына үкіметтік емес ұйымдардың өкілдері, ғалымдар, әртүрлі органдардың өкілдері, Қазақстан Республикасындағы Адам құқықтары жөніндегі уәкіл, Президенттің құқықтық мәселелер жөніндегі көмекшісі, Бас Прокурордың орынбасары жәнеІшкіістер министрлігі Қылмыстық-атқару жүйесі комитетінің төрағасы кіреді.
4. Еліміздің Конституциясының 44-бабына сәйкес "Қазақстан Президенті: 15) азаматтарға кешірім жасауды жүзеге асырады". Бұл оның ерекше конституциялық құқығы. Яғни әрбір азамат мемлекет басшысына рақымшылық жасау туралы өтініш жасай алады.
5. Комиссияның соңғы отырысында кешірім жасау туралы кейбір материалдар алдын ала қаралды.Мерзімді екі жылға қысқарту арқылы кейбір оң ұсыныстар қарастырылды. Кәрім Мәсімовке кешірім жасау туралы мәселелерді қараутуралы журналистердің сұрақтарына комиссия одан бас тартуды ұсынды.
Сонымен қатар депутат Абзал Құспан да Мәсімовке кешірім берілмейтін болғанын жазды.
Президент жанындағы азаматтарға кешірім сұрау жөніндегі комиссиясы Кәрім Мәсімовке кешірім беруден бас тартты, - деп жазды Абзал Құспан.
Бұған дейін хабарлағанымыздай, мемлекетке опасыздық жасағаны және билікті басып алуға тырысқаны үшін сотталған ҰҚК-нің бұрынғы басшысы Кәрім Мәсімов биылғы жылдың наурыз айында рақымшылық жасау туралы өтініш берген.
