«Ұлттық идеология және ...» жобасының кезекті қонағы «Жайдарман» қозғалысының көшбасшысы Есен Елеукен болды, деп хабарлайды BAQ.KZ тілшісі.
25 жылға жуық уақыт бойы Жайдарман жастарымен жұмыс істеп келе жатқан ол бүгінгі жастардың бұрынғыларынан мінездері мен әзілдеріндегі айырмашылықтарын айтты. Сондай-ақ Есен Елеукен Ресейге, онда барып өнер көрсетіп жүрген командаларға, «біздегі бітпейтін толеранттық» пен тіл мәселесіне кеңінен тоқталды.
Көрерменді «Жайдарман» жүйесімен таныстырып, ондағы цензура, танымал түлектер, қандастар мен бауырлас елдермен қарым-қатынас және сұраныспен келген қазақша Stаnd Up туралы айтып берді.
