Ақтауда "Халық заңгері" республикалық акциясы өтті

24 Қараша 2019, 14:16
3621
Бөлісу:
Ақтауда "Халық заңгері" республикалық акциясы өтті
PHOTO

Нұр-Сұлтан, BAQ.KZ. 22 қарашада Қазақстанның барлық қаласында, соның ішінде Ақтауда "Халық заңгері" атты жалпы республикалық науқан өтті. Бұл туралы Маңғыстау облысы бойынша Сыбайлас жемқорлыққа қарсы іс-қимыл агенттігінің баспасөз қызметі хабарлады.

Шараның мақсаты – Қазақстанның ең үздік заңгерлері мен адвокаттары халыққа заң, құқық төңірегінде туындаған барлық сұрақтарына және шешілмеген даулар бойынша тегін кеңес беріп, көмек көрсету, сондай-ақ осы шара арқылы халықтың құқықтық сауаттылығын арттыру.

IMG_6395.JPG

Былтырғы жылдан айырмашылығы, биыл еліміздің ірі қалаларымен қатар, шағын елді мекендері де "Халық заңгері" науқанына қатысты, бұл көптеген азаматтарға білікті заң көмегін алуға мүмкіндік берді.

Ұйымдастырушылар Zakon.kz желілік басылымы, ҚР Сыбайлас жемқорлыққа қарсы іс-қимыл агенттігі және Параграф ақпараттық жүйесі.

IMG_6382.JPG

Ақтау қаласында ұйымдастырылған науқанға Маңғыстау облысының адвокаттар алқасының, "ZAN 362", "LAW&COMP" заң компанияларының, "Qorgau" құқықтық қорғау орталығының, Маңғыстау облысының нотариалдық палатасының белгілі заңгерлері мен адвокаттары, нотариустары және прокурорлар, тергеушілер, сот орындаушылары, полиция қызметкерлері, әділет, көші-қон полициясы, жылжымайтын мүлікті тіркеу бөлімдері, мемлекеттік органдардың басшылары, Азаматтарға арналған үкімет қызмет көрсету орталықтарының мамандары және "Маңғыстау - Адалдық алаңы" жобалық кеңсесінің мүшелері қатысты, - делінген хабарламада.

IMG_6409.JPG

Бұл қоғамдағы өзекті мәселені шешу мақсатында азаматтардың құқықтық сауаттылығын көтеру және бір заңгермен ғана емес, өзге де заң өкілдерінен кеңес алуға, алынған жауаптарының дұрыстығына көз жеткізуге мүмкіндік берген шара болды.

Өзгелердің жаңалығы