Нұр-Сұлтан, BAQ.KZ. Жыл сайын 9 маусымда аккредиттеу жөніндегі халықаралық форум (IAF) және зертханаларды аккредиттеу жөніндегі халықаралық ұйым (ILAC) бірлесіп құрылған жаһандық бастама – Дүниежүзілік аккредиттеу күні аталып өтіледі. Қазақстан 2010 жылдан бастап осы халықаралық ұйымдардың толыққанды мүшесі болып табылады деп жазды Сауда және интеграция министрі Бақыт Сұлтанов Facebook-тегі парақшасында.
2020 жылы Дүниежүзілік аккредиттеу күнінің ұраны азық-түлік қауіпсіздігін арттырудағы аккредиттеудің рөлі болды. Бұл күн бизнес пен мемлекет үшін де, азық-түлік өнімдерін тұтынушы қарапайым адамдар үшін де аккредиттеудің маңыздылығын атап көрсетеді, ал ол алдыңғы қатарлы халықаралық стандарттар мен нормаларға сәйкес болуы тиіс, - деп жазды министр.
Бақыт Сұлтановтың жазуынша, Біріккен Ұлттар Ұйымының азық-түлік және ауыл шаруашылығы ұйымының, Дүниежүзілік денсаулық сақтау ұйымының және Дүниежүзілік сауда ұйымының 2019 жылғы сәуірде жасаған бірлескен мәлімдемесінде тағамнан шыққан аурулардың теріс салдары атап өтілген. Сондай-ақ аккредиттеу тамақ өнімдерін жеткізу тізбегіндегі ұйымдардың тиімділігін арттыру есебінен ауру жиілігін қысқартуға бағытталған.
Бүкіл әлемде бұл мақсатқа қол жеткізу аккредиттеуге сенеді: Австралияда ет және теңіз өнімдерін жеткізу үшін PrimeSafe схемасы бойынша аккредиттелген сертификаттауды пайдаланудан Еуропалық одақта Еуропадағы азық-түлік қауіпсіздігін қолдау үшін зертханаларды аккредиттеуді пайдалануға дейін сенім артады. Қазақстанда халықты азық-түлікпен қамтамасыз ету мәселелері мемлекеттің ерекше қамқорлығының объектісі, елдің орнықты дамуы мен экономикалық өсуін қамтамасыз етудің маңызды шарты болып табылады, - деді министр.
COVID-19 пандемиясына негізделген азық-түлік қауіпсіздігінің қол жеткізілген деңгейіне қарамастан, ел үшін өз тамақ өнімдерін өндіруді қолдау және одан әрі дамыту, сауда-логистикалық инфрақұрылымның үздіксіз жұмысы, азық-түлікпен қамтамасыз етуді тұрақтандыру үшін резервтік қор құру мәселелері өзекті болып отырғанын жеткізген ол, қазіргі заманғы халықаралық сауда кейбір жағымсыз үрдістерге қарамастан зор қарқынмен дамып келетінін, тіпті қиындықтар туындайтынын, сондықтан қазіргі заманғы жаһандық экономиканың осы болмыстарында тауарларды бағалаудың бірыңғай стандарттары мен әдістемелерін қамтамасыз ету үшін тексеруші органдар мен зертханаларға бірыңғай талаптар, стандарттар мен аккредиттеу әдістемелерінің болуы маңызды екенін атап өтті Бақыт Сұлтанов.
Сондықтан министрлік Қазақстанда аккредиттеуді дамытуға үлкен мән береді. Өйткені аккредиттеу ішкі және жаһандық нарықта жеткізілетін тамақ өнімдерінің сапасын арттыруға мүмкіндік береді. Аккредиттеу және сәйкестікті бағалау процестеріне қатысатын барлық мамандарды кәсіби мерекемен құттықтаймын! – деді министр.
