Нұр-Сұлтан, BAQ.KZ тілшісі. Бұл туралы Мұхтар Әуезов атындағы Оңтүстік Қазақстан университетінің ректоры Дария Қожамжарова III NOBEL FEST барысында айтты.
NOBEL FEST фестивалін енді ұйымдастырып бастағанда қатысушылар саны 10 мың болатын. Үшінші рет өткізіліп жатқан шараның қатысушысы 50 мыңға жетті. Сондықтан бұл фестиваль ғылыми кеңістіктегі білімді біріктірудің айқын көрінісіне айналды, - деді Қожамжарова.
Ол атағандай, бүгінде Әуезов атындағы университет оңтүстік аймақтағы академиялық негізгі орта болып есептеледі.
Былтыр университет «Ғылым көшбасшысы-2020» сыйлығына ие болды. Біздің 10 ғалым Қазақстанда жиі жарияланатын адамдар қатарына енді. Биыл да біздің профессорлар фестивальға белсенді қатысады. Биыл біздің университет профессоры Виктор Шивко минералдық шикізатты кешенді қайта өңдеу жөніндегі ұлттық орталықпен бірлесіп металлургия саласында әлемдік ғылыми жаңалықты ашты, - деді ол.
Айта кетейік, бірегей онлайн платформа 50 мыңнан астам қатысушыны қамтып отыр, оның 50 спикері Нобель сыйлығының лауреаты.
