Қазақстан қалаларындағы метеожағдай

Нұр-Сұлтан, BAQ.KZ. 24 қараша, сейсенбі күні республиканың бірқатар қаласында ауа сапасының ластануы мүмкін, деп хабарлайды «Қазгидромет» РМК.

Синоптиктердің мәліметінше, бүгін еліміздің бірнеше қаласында – Атырау, Қызылорда, Павлодар, Семей, Өскемен, Шымкент және Нұр-Сұлтанда қолайсыз метеорологиялық жағдай қалыптасып, ауа ластануы мүмкін.

Көкшетау мен Петропавлда ауа сапасы аздап нашарлауы мүмкін.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ кезінде елді мекендердегі атмосфералық ауаның сапасы нашарлауы ықтимал.