Қаза тапқандардың балаларын әскери оқу орындарға түсіруге жәрдемдесеміз – Таласов

29 Тамыз 2021, 18:55
13917
Бөлісу:
Қаза тапқандардың балаларын әскери оқу орындарға түсіруге жәрдемдесеміз – Таласов

Нұр-Сұлтан, BAQ.KZ. Қорғаныс министрінің орынбасары генерал-майор Мұхамеджан Таласов Тараз қаласының емдеу мекемелерін аралады. Ол стационарда емделіп жатқан адамдардың хал-жағдайымен танысты.

Қорғаныс министрлігінің жұмыс тобы қаза тапқандардың отбасыларымен қажетті жұмыс жүргізуде. Атап айтқанда оларға заңнамада белгіленген төлемдер мен жеңілдіктерді алу тәртібі де түсіндіріледі.

Министрліктің баспасөз қызметінің хабарлауынша, Мұхамеджан Таласов зардап шеккендердің ешқайсысы назардан тыс қалмайтынын атап өтті.

Біз тиісті өтемақылар мен жәрдемақыларды төлеуге байланысты мәселелерді мүмкіндігінше тезірек шешу үшін қолдан келгеннің бәрін жасаймыз. Қажет болған жағдайда отбасы мүшелеріне жұмысқа орналасуға көмек көрсетіледі. Сондай-ақ қаза тапқандардың балаларына қамқорлық көрсетеміз. Бұл ретте оларды Қорғаныс министрлігінің білім беру орындарына оқуға қабылдауға жәрдем көрсетіледі, – деді Қорғаныс министрінің орынбасары.

Өзгелердің жаңалығы