Нұр-Сұлтан, BAQ.KZ тілшісі. Бұл туралы «Атамекен» ҚР Ұлттық кәсіпкерлер палатасының басқарма төрағасы Абылай Мырзахметов Үкімет отырысында айтты.
Мырзахметов егер осыған дейін жүйеге тіркелу 7 күнге созылса, қазір 5-10 минут ішінде автоматты түрде тіркелуге болатынын айтты.Соңғы екі аптаның ішінде 22 мыңнан 72 мыңға дейін кәсіпкерлік Аshyq жүйесіне тіркелді. Мемлекет басшысының карантин кезінде бизнеске қолайлы жұмыс істеуге мүмкіндік беру туралы тапсырмасы өте орынды болды. Мемлекет басшысы 19 шілдеде Аshyq жүйесіне тіркелу кезіндегі қағазбастылықты жою туралы тапсырма берді. Оны құзыретті органдар жүзеге асырды, - деді ол.
Соның нәтижесінде 50 мыңнан астам кәсіпкерлік жүйеге тіркеліп, карантин кезінде жұмысын жалғастырып жатыр. Эпидемиологиялық жағдай бір күнде реттеліп кетпейді. Сондықтан Аshyq жүйесін жетілдіру бойынша жұмыстарды жалғастыруымыз керек,- деді Абылай Мырзахметов.
Осыған дейін Мырзахметов кәсіпкерліктер қандай қолдау сұрайтынын айтқан еді.
