Нұр-Сұлтан, BAQ.KZ. Бұл туралы «Ұлттық ғылыми кардиохирургия орталығы» КеАҚ баспасөз қызметі хабарлады.
2021 жылдың 2 қыркүйегінде жүрек орталығында кеңейтілген кардиомиопатиясы бар 27 жастағы науқасқа биылғы жылы алғашқы рет жүрек трансплантациясы жүргізілді. Геморрагиялық инсультпен ауырған науқас жүрек доноры болды. Донорға мидың өлімі диагнозы қойылды және оның туыстары мұқтаж адамдарға кейінгі трансплантация үшін ағзаларды өлімнен кейінгі донорлыққа келісім берді. Осындай мұқтаждардың бірі - орталық пациенті болды. 2016 жылы оған созылмалы жүрек жеткіліксіздігінің дамуына байланысты LVAD сол жақ қарыншасын қолдау құрылғысы имплантацияланды, ал пациенттің өзі жүрек трансплантациясын күту тізіміне енгізілді.
Операция сәтті өтті. Науқас өзін қалыпты сезінеді. Бұл 2021 жылғы алғашқы трансплантация, сондықтан біздің пациенттер мен біздің орталық үшін оны жүргізу өте маңызды. Бұл мүмкіндік жаңа жүректі күтетіндердің барлығына үміт береді. Команда үшін бұл жақсы болуға, жаңа бiлiм алуға және үйренуге қосымша ынталандыру, - деді кардиохирургия орталығының хирургия және ғылым жөніндегі директоры Юрий Пя.
Айта кетейік, Қазақстанда алғашқы рет жүрек трансплантациясы 2012 жылдың 8 тамызында аталған орталықта жүргізілді. Сол кезден бастап және қазіргі трансплантацияны қосқанда, 83 науқас жаңа жүрекке қол жеткізді.
