Нұр-Сұлтан, BAQ.KZ. Алматыда 11 нысан бойынша шектеу шараларын бұзу материалдары олардың жұмысын тоқтата тұру бойынша әкімшілік шара қолдану үшін берілетін болады. Бұл туралы әкімдіктің баспасөз қызметі хабарлады.
Алматы қаласының мониторингтік топтары мегаполис аумағында карантиндік шаралардың сақталуын бақылауды күшейтуді жалғастыруда.
Ағымдағы жылдың 24 қазанында мониторингтік топтар карантиндік іс-шараларды сақтау бойынша 59 тексеру іс-шараларын жүргізді. 11 нысаннан карантин талаптарын бұзу анықталды, олар бойынша материалдар заңды тұлғаларға қатысты әкімшілік шаралар қабылдау үшін берілетін болады. Аталған нысандар бойынша ҚР ӘҚБтК-нің 425-бабының 1-бөлігіне сәйкес 230 АЕК мөлшерінде әкімшілік шаралар қабылданатын болады. Осындай жағдайлар қайталанатын болса, олардың қызметін сот тәртібімен тоқтата тұру туралы мәселе қойылатын болады.
Алатау ауданында қоғамдық тамақтану нысандары анықталды, онда көп адамның жиналуымен салтанатты іс-шаралар (үйлену тойлары, банкеттер) өткізілген:
1) Зерделі шағын ауданы, 2а мекенжайындағы «AINABAI HALL» мейрамханасы - 50 адамға арналған іс-шара (құдалық) өткізілді;
2) Көкқайнар шағын ауданы, Жангелдин көшесі, 2 мекенжайындағы «Томирис» мейрамханасында 40 адамға арналған іс-шара (үйлену тойы) өткізілді;
3) Алмерек Абыз көшесі, 2 мекенжайында орналасқан «Бодрум» мейрамханасында 70 адамға арналған іс-шара (үйлену тойы) өткізілген;
4) Нұркент ш / а, 5/22 Зере ЖК дүкенінде санитайзерлер жоқ, сатушының қорғаныс маскасы болмаған;
5) Нұркент шағын ауданы., 5/22 «Happy event» ЖШС-де сатушылар жұмыс орнында қорғаныс маскасынсыз болған, дезинфекциялық кілемшелер жоқ, қолды өңдеуге арналған санитайзерлер жоқ;
6) Нұркент, ш/а, 5/26 «Алтын Ару» ЖК тәттілер дүкенінде сатушы жұмыс орнында қорғаныс маскасынсыз және қолғапсыз болды, дезинфекциялау кілемшелері мен санитайзерлері жоқ, журналға деректерді енгізе отырып, қызметкерлердің термометриясы жүргізілмейді;
7) Нұркент шағын ауданы, 5/26 Агибаева ЖК азық-түлік дүкенінде келушілерге арналған санитайзерлер жоқ.
Наурызбай ауданы: Қалқаман 2 шағын ауданы, Әйтей батыр к - сі, 88 мекенжайындағы «Ильхан» салтанат залында 100 адамға арналған той өткізілген.
Алмалы ауданында жұмыс тәртібін бұзған нысандар анықталды (БМСДҚ сәйкес, сағат 23.00-ден кейінгі жұмысқа және кальян сатуға тыйым салынған нысандар):
1) «Мята» лаунж бары-23.00 сағаттан кейінгі жұмыс, келушілерге кальян сату;
2) «Гранд опера» караокесі-сағат 23.00-ден кейінгі жұмыс;
3) «Finik» дәмханасы-сағат 23.00-ден кейінгі жұмыс, келушілерге кальян сату.
Естеріңізге сала кетейік, бұған дейін Алматы қаласының Бас мемлекеттік санитар дәрігері Ж.Бекшин Алматыда коронавирус инфекциясын жұқтырып, аурудың өсуінің негізгі себептерінің бірі халық тарапынан жалғасып жатқан карантин талабын бұдзуды – жаппай көпшілік іс-шараларды ұйымдастыру мен өткізуді атады. Мұндай бұзушылықтар түрлі көпшілік жиындарға қатысқан адамдардың 38%-ының жұқтырып, науқастануына себеп болды.
Той ұйымдастырушыларына айтатыным: Сіздер өздеріңізге ғана емес, барлық қонақтарға, инфекцияны жұқтырып алып, оны отбасыларына әкелетін (тарататын) қарт туыстарға да қауіп төндіресіз. Сондай-ақ, тойдың немесе еске алу жиынының қызған шағында мониторингтік топтардың талабы бойынша олт жерден кетуге мәжбүр болған қонақтарды ыңғайсыз жағдайға қалдырасыздар, - деді Жандарбек Бекшин.
Сонымен қатар эпидемиялық жағдайдың күрделілігін ескере отырып, эпидемиологтардың талаптарын ескерусіз қалдырмауға және маска режимін, әлеуметтік қашықтықты қатаң сақтауға және адамдар көп жиналатын орындарға бармауға шақырды.
