Нұр-Сұлтан, BAQ.KZ. Қарағанды облысының әкімі Жеңіс Қасымбектің бастамасымен ұзақ уақыт ішінде алғаш рет 30 Мәдениет және өнер қызметкері жеке баспанаға ие болды. Бұл туралы облыс әкімдігінің ресми сайты хабарлады.
Пәтерлер Саран мен Ақтаста берілді. Кілттерді табыстау салтанатты марапаттау рәсімі барысында Қарағанды облысы әкімінің жыл сайынғы сыйлығын тағайындау өтті.
Бес жыл бойы біз жұбайымызбен бірге баспана жалдап тұрдық, содан кейін ата-аналарымызбен тұрдық. Күйеуім менімен бірге театрда жұмыс істейді. Қазір бізде үш баламыз бар, төртіншісін күтудеміз. Жеке пәтер алғанымыз біз үшін тосынсый болды. Осындай сыйлық үшін рахмет айтамыз! Әріптестерімнің де жолы болып, баспаналы болатынына сенемін, – дейді Динара Айғазинова
Наталья Сидорова екі баласымен және жұбайымен жақын арада жалға берілетін үйге кіреді. Ол қалыпты өмір сүру үшін бәрі бар дейді.
Косметикалық жөндеу жасалды, плита, титан бар. Бұл біз үшін өте қуанышты сәт. Эмоцияларымыз тасып барады. Мәдениет саласы қызметкерлеріне көптен бері пәтер берілмегенін атап өткім келеді. Бізге деген ықыластарыңыз үшін үлкен рахмет, – деп Қарағанды музыкалық комедия театрының актрисасы алғысын білдірді.
Өңір басшысының айтуынша, алдағы жылдары мәдениет қызметкерлері үшін тағы 150-200 пәтер бөлу жоспарланған.
Сондай-ақ, Мәдениет және өнер қызметкерлері күні қарсаңында Қарағанды облысы әкімінің сыйлығымен марапаттау рәсімі өтті. Бұл марапат жыл сайын кәсіби шеберлігі, шеберлігін жетілдіргені және мәдени саланы дамытуға қосқан үлесі үшін беріледі.
Ең қиын кезеңдерде өнер бізді әрдайым құтқарып, қолдап отырды. Сахналар мен залдардың жабылуына қарамастан, мәдени іс-шаралар виртуалды форматқа көшті және сонымен бірге шынайылық пен көркемдігін жоғалтпады. Өз ісіне адалдығы үшін сіздерге тағзым етеміз, – деді өңір басшысы өзінің құттықтау сөзінде.
