Бұл туралы Сыртқы істер министрлігінің ресми өкілі Айбек Смадияров мәлімдеді, деп хабарлайды BAQ.KZ тілшісі.
Смадияровтың айтуына қарағанда, қазіргі таңда Тель-Авивте қазақстандық дипломаттар отандастарымызға консулдық-құқықтық көмек көрсетіп жатыр.
Тель-Авивтегі дипломаттар Израильдегі Қазақстан азаматтарымен тұрақты байланыста және олармен жедел іс-қимыл жасау мақсатында арнайы месседжерде чат құрды. Қазіргі таңда Израильде уақытша және тұрақты тұратын 200-ге жуық Қазақстан азаматы қосылған. Чатта отандастарымыз өздерінің орналасқан жері туралы хабарлап, дипломаттармен тікелей байланыс орнатты, – деді СІМ-нің ресми өкілі.
Ол Израильде қазақстандықтар дипломаттарға да жәрдемдесіп жатқанын айтады.
Бүгінгі таңда Израильде зардап шеккен, кепілге алынған қазақстандықтар туралы ақпарат келіп түскен жоқ, – деді Айбек Смадияров Сыртқы істер министрлігінде өткен баспасөз мәслихатында.
Бұған дейін хабарлағанымыздай, Сыртқы істер министрлігінің ресми өкілі Айбек Смадияров Израильде қанша қазақстандық бар екенін айтты.
