Иранның оңтүстік-батысында магнитудасы 5 балдық жер сілкінісі болды

Иранның оңтүстік-батысындағы Хузестан провинциясында магнитудасы 5 болатын жер сілкінісі болды.

Иранның Ұлттық сейсмология орталығының мәліметінше, жер сілкінісінің эпицентрі Дизфуль округіне қарасты Сардаш ауданындағы Саланд қаласының маңында орналасқан.

Жерасты дүмпулері жергілікті уақытпен сағат 05:55-те тіркелді.

Зілзала Хузестан провинциясының әкімшілік орталығы Ахваз қаласында, сондай-ақ Эндимешк пен Дизфуль қалаларында да сезілген.

Жер сілкінісінің ошағы 8 шақырым тереңдікте болған.

Қазіргі уақытта қандай да бір қирау туралы ақпарат түскен жоқ.

Шығын көлемін бағалау үшін жер сілкінісі болған аймаққа Қызыл Жарты Ай ұйымының құтқару жасақтары жіберілгені хабарланды.