Иран билігі Израильмен арадағы 12 күндік қақтығыс кезінде енгізілген әуе шектеулерін ресми алып тастағанын хабарлады. Бұл туралы BAQ.KZ Иран Азаматтық авиация ұйымының мәлімдемесіне сілтеме жасап хабарлайды.
Ішкі және халықаралық рейстер қалпына келді
Мәлімдемеде көрсетілгендей, ел ішіндегі және халықаралық бағыттардағы ұшулар соғысқа дейінгі қалыпты деңгейге оралды.
Сонымен қатар, Иран астанасы Тегеранда орналасқан «Мехрабад» халықаралық әуежайы тәулік бойғы жұмыс режиміне қайта көшті.
Билеттер кассада, онлайн брондау қайта қосылды
«Осы сәттен бастап әуе компаниялары мен туристік агенттіктер әуе билеттерін сату және рейстерді брондау қызметін тәулік бойы ұсынуға құқылы», — делінген Азаматтық авиация ұйымының хабарламасында.
Бұған дейін болған оқиға салдары
Иран 2025 жылдың 13 маусымында Израильдің Тегеран мен басқа да аймақтарға жасаған әуе шабуылдарынан кейін әуе кеңістігін жауып тастаған болатын.
Қақтығыс 12 күнге созылып, 24 маусымда атысты тоқтату туралы келісіммен аяқталды
