Batik Air әуе компаниясының Boeing 737 ұшағы Индонезиядағы Сукарно Хатта халықаралық әуежайына қону кезінде қатты жел мен нөсер жауынға тап болды, деп хабарлайды BAQ.KZ FL360aero-ға сілтеме жасап.
Ұшақты оң жаққа бұрған қатты желдің салдарынан оның қанаты қону кезінде ұшу-қону жолағына жақындады, - делінген x (бұрынғы Twitter) әлеуметтік желісіндегі хабарламада.
Ұшақ бүйірімен жерге тиіп, еңкейіп қонғанына қарамастан, қону сәтті аяқталды. Әуе кемесінде 141 жолаушы болған, ешқайсысы зардап шеккен жоқ. Барлық ұшу процедуралары талапқа сай орындалғаны айтылды.
Әуе кемесі ұшуға жарамды күйінде қалған. Оқиғадан кейін Batik Air компаниясы рейстердің қауіпсіздігіне баса мән берілетінін мәлімдеді.
Бұл жағдай әуе тасымалында ауа райының рөлін тағы бір еске салды. Жолаушылар мен экипаждың аман қалғаны – білікті ұшқыштар мен жылдам әрекет нәтижесі.
