Нұр-Сұлтан, BAQ.KZ. Қазақстандық диджей Иманбек өз тыңдармандарын тағы бір туындымен қуантты.
Бұл жолы ол ағылшын-норвегиялық музыкалық продюсер, диджей Алан Уокермен бірлесіп трек жазды.
Туындының анонсын Иманбек те, Уокер де Instagram парақшаларына салды.
Sweet Dreams деп аталатын композицияның үзіндісі YouTube-ке жүктелді.
Алан Олав Уокер 2015 жылы шыққан Faded синглынан кейін әйгілі бола бастады. Сол кезде ол бірнеше елде платина мәртебесіне ие болып, YouTube-те 3 млрд қаралым жинады.
2020 жылдың қорытындысына сәйкес DJ Magazine журналының нұсқасы бойынша әлемдегі ең үздік диджейлер тізімінде 26-орынға тұрақтады.
