Өткен аптада ел аумағында 2900-ден астам қылмыс жасалды, деп хабарлайды BAQ.KZ тілшісі.
Бұл туралы Ішкі істер министрлігінде өткен апталық баспасөз мәслихатында ведомствоның өкілі Шұғыла Тұрлыбек мәлімдеді.
Бір апта ішінде 2 939 қылмыс жасалды, оның 1780-і тәулік ішінде ашылды, - деп атап өтті министрлік өкілі елдегі криминогендік жағдайға тоқталып.
Сонымен қатар ол тәртіп сақшылары қанша қылмыстың ізін суытпай әшкерелеген деп отыр.
Полиция қызметкерлері «ізін суытпай» 7 кісі өлтіруді, 3 өлімге әкеп соққан денсаулыққа қасақана ауыр зиян келтіруді, 3 қарақшылық, 30 тонау және 428 бөтен мүлікті ұрлау қылмыстарын ашты, - деді Шұғыла Тұрлыбек.
