Нұр-Сұлтан, BAQ.KZ. Хорватияның солтүстік-шығысында жолаушылар автобусы жол апатына ұшырады деп хабарлайды 24.kz.
Салдарынан 10 адам қаза тауып, 40-тан астам адам жарақат алды. Оқиға бүгін таңертең Славонски-Брод қаласының маңындағы тасжолда болған. Косовоға бара жатқан көлік белгісіз себептермен шұңқырға аударылып қалған.
Қаза тапқандар арасында автобус жүргізушісі мен тоғыз жолаушы бар. Жарақат алған сегіз адамның жағдайы ауыр.
