Ғылыми тағылымдамаға арналған гранттар тағайындалды

11 Шілде 2024, 04:33
323
Бөлісу:
Ғылыми тағылымдамаға арналған гранттар тағайындалды
Фото: baq.kz

47 қазақстандық әлемнің жетекші ғылыми және зерттеу орталықтарында ғылыми тағылымдамадан өтуге грант иегерлері атанды, деп хабарлайды BAQ.KZ.

Жаратылыстану-техникалық блок бойынша берілген ғылыми тағылымдамалар саны 28 стипендияны (60%), қоғамдық-гуманитарлық блок бойынша – 19 стипендияны (40%) құрады.

Ғылыми тағылымдамаларға гранттарды бөлу кезінде ғылымды дамытудың басым бағыттарының біркелкілігі сақталды.

Ғалымдар «инжиниринг және технологиялар», «денсаулық сақтау», «ауыл шаруашылығы және ветеринария», «жаратылыстану ғылымдары», «әлеуметтік ғылымдар», «гуманитарлық ғылымдар» және «өнер» бағыттары бойынша тағылымдамадан өтеді. Үміткерлер Harvard University, Queen 's University, University of Tokyo, Queen' s University Belfast сияқты әлемдік рейтингтер қатарына кіретін жоғары оқу орындарына түсті.

Тізім «Халықаралық бағдарламалар орталығы» АҚ-ның bolashak.gov.kz ресми сайтында қолжетімді.

Өзгелердің жаңалығы