Нұр-Сұлтан, BAQ.KZ. Орта салмақта IBF және IBO чемпионы қазақстандық Геннадий Головкиннің (41-1-1, 36 КО) келесі қарсыласы анықталды, деп хабарлайды Vesti.kz.
Қазақстандықтың қарсыласы орта дивизионда WBA Super титулына ие жапониялық Риота Мурата (16-2, 13 КО) болуы ықтимал. Екі тарап белебулер біріктірілетін жекпе-жек туралы келіссөз бастағаны хабарланған.
Бұл жайында Fino Boxing басылымына мексикалық Хайме Мунгияның (36-0, 29 КО) промоутері Фернандо Бельтран мәлімдеді.
Головкин жапониялықпен жұдырықтасқысы келеді. Иә, ол да чемпион, бұл үлкен іс. Мен оның таңдауын құрметтеймін, – дейді Бельтран.
Головкин бұған дейін Мунгиямен 7 мамырда жекпе-жек өткізетіні туралы хабарланған болатын. Дегенмен кейін, мексикалық бұл ойынан бас тартып, сәуірде басқа қарсыласпен жұдырықтасатыны белгілі болды
