Мәжілістің жалпы отырысында Жоғары аудиторлық палатаның төрағасы Наталья Годунова бюджетті тиімсіз пайдаланатындар туралы айтты, деп хабалайды BAQ.KZ тілшісі.
Бюджет қаражатын тиімсіз жұмсау көбінесе мердігерлер мен жеткізушілер есебінен жүзеге асатын болды. Өйткені бюджет саласы ашық болып, мұны істеу қиын бола түсуде. Егер 4 жыл бұрын біз жобалық-сметалық құжаттаманы 30%-ға дейін асыра бағалау деп есептеп, бұл соманы жылына шамамен 1 трлн деп бағаладық. Алайда қазір құрылыс материалдары бағасының өсуін және жоғары инфляция туралы әңгімені пайдалып, жобалардың қымбаттауы эпидемияға айналды, - деді ол.
Годунова енді олар бюджет қаражаты есебінен 1 трлн теңге деп есептелетінін айтты.
Бұл қаражат апатты және үш ауысымды мектептер мәселесін шешуі мүмкін. Сондай-ақ аталған қаржы есебінен ЖЭО мен жылу желілері қайта жаңғыртылуы мүмкін, - деп түсіндірді Наталья Годунова Мәжілісте.
Депутаттар мен меморгандар Үкіметтің және Жоғары аудиторлық палатаның 2022 жылғы республикалық бюджеттің атқарылуы туралы есептерін талқылап жатыр.
Бұған дейін депутат Ерлан Сайыров мемлекеттік органдар бюджет қаражатын тиімсіз жұмсайтынын айтып, сынға алған болатын.
