Германияның 16 федералдық аймағында тағы да шектеулер енгізілуі мүмкін, деп хабарлайды BAQ.KZ.
АВС News агенттігі таратқан мәліметке сәйкес, коронавирус індетінің өршуіне байланысты ғимараттарда маска тағу міндеттеледі.
Германияның денсаулық сақтау министрі Карл Лаутербах күзде елде СOVID-19 ауруының өршуі көбейетіндігін ескертті. Соған байланысты қарт адамдарды коронавирусқа қарсы вакцина алуға шақырды.
Ресми деректер елде соңғы тәулікте 96 367 вирус жұқтыру дерегінің тіркелгенін мәлімдеген. Бұл өткен аптамен салыстырғанда екі есеге көп.
