Германия тарихында президент қызметін алғаш рет әйел атқаруы мүмкін

Германияда 2027 жылы президенттік мерзімі аяқталатын Франк-Вальтер Штайнмайердің ізбасары қарастырылып жатыр. Осы лауазымға лайық деген кандидаттар арасында христиан-әлеуметтік одағы партиясынан шыққан 61 жастағы Ильзе Айгнер аталуда. 

Федералды президент сайлауы 2027 жылдың 30 қаңтарында өтеді деп жоспарланған. Германиядағы мемлекет басшысы негізінен өкілдік функцияларды атқарады және үкімет жұмысын басқармай, ел бірлігінің символы ретінде қызмет етеді. 

Ильзе Айгнер бұған дейін Германияның ауыл шаруашылығы министрі қызметін атқарған. Көпшілік оны ымыраға келіп, қайшылықтарды жоя алатын саясаткер ретінде бағалайды.

Қазір ол Бавария ландтагын басқарады. Бұл жолы кандидат ұсыну құқығы құрамына Германия социал-демократиялық партиясы мен христиан-әлеуметтік одағы кіретін билеуші коалицияның ірі партиясы – христиан-демократиялық одағына (ХДК) тиесілі. Штайнмайердің ізбасары туралы түпкілікті шешім әлі қабылданған жоқ.