#ГендерLIKE. Суицид жасаудың түп-тамырында не жатыр?

Нұр-Сұлтан, BAQ.KZ тілшісі. «ГендерLIKE» интернет жобасының кезекті шығарылымында суицид мәселесі талқыланды. Мамандар суицидтің түрлерін, себебі мен салдарын, статистикалық мәліметтерді талдауға тырысты. Студия қонақтары – Нұр-Сұлтан қаласы полиция департаментінің Әйелдерді зорлық-зомбылықтан қорғау тобының аға инспекторы Гүлмира Шрахметова және психолог Нұргүл Молдабайқызы.

«ГендерLIKE» жобасы – гендерлік теңдік, әйел бақыты, нәзік жандылардың отбасы мен мансапты бірге алып жүруі, салт пен заман қарама-қайшылығы, махаббат төңірегінде тосылмай, өткір мәселелерді талқылайтын еркін алаң. Айтыла бермейтін, шағын және болмашы дүниелер де біздің назарда.
 

Осыған дейін бағдарлама қонақтары психолог Нұргүл Молдабайқызы мен жас ана Арайлым Белгібаева болған еді.