Гана АИВ/ЖИТС-ке қарсы күресті күшейту үшін ұлттық қор құрмақ

Гана АИВ/ЖИТС-ке қарсы күресті күшейту үшін ұлттық қор құрмақ
573

Гана ауруды бақылау мен жоюды күшейту үшін АИВ/ЖИТС ұлттық қорын құруға ниетті, деп хабарлайды BAQ.KZ. 

Бұл туралы Дүниежүзілік ЖИТС-ке қарсы күрес күніне орай сөйлеген сөзінде елдің Денсаулық сақтау министрі Кваку Агиеман-Ману мәлімдеді.

Президент Нана Аддо Данква Акуфо-Аддо 2030 жылға қарай 95-95-95 жаһандық мақсатқа жетудің бір бөлігі ретінде қорды жақын күндері іске қосады, - деді. 

Министр үкімет жаңа инфекцияларды азайту және түпкілікті жою үшін ресурстарды ұлғайту міндетін жүзеге асыру мақсатында қор құру туралы шешім қабылдағанын айтты.

Бізге үлкен ақпараттық-түсіндіру жұмыстары қажет. Алдын алу және емдеу үшін бізге көптеген логистика, соның ішінде дәрілік және дәрілік емес препараттар қажет. Адамдардың емдеуге реакциясын көру үшін инфекциядан кейінгі емдеу, тестілеу және вирустық жүктемені бақылау керек. АИВ/ЖИТС-тен тұрақты ем табу үшін жергілікті шөптік препараттарды зерттеуді қоса алғанда, зерттеулер жүріп жатыр. Олар жақын арада жемісін бермесе де, біз жалғастыра береміз, - деді Денсаулық сақтау министрі.

Біріккен Ұлттар Ұйымының АИВ/ЖИТС бойынша біріккен бағдарламасы 2014 жылы 95-95-95 жоспарын іске қосты. 2030 жылға қарай науқастардың 95 пайызына диагноз қойылып, АИТВ жұқтырғандардың 95 пайызын ретровирусқа қарсы терапиямен қамтамасыз етіп, 95 пайызға вирусты басуға қол жеткізіледі деп күтіледі.

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы