Галбадрах IJF рейтингінде төрт орынға жоғарылады

30 Шілде 2019, 16:23

1765

Бөлісу:

Нұр-Сұлтан, BAQ.KZ. Қазақстандық дзюдошы Галбадрах Отгонцэцэг жаңартылған IJF рейтингінде төрт сатыға жоғарылады. Бұл туралы Olympic.kz. хабарлады.

48 келіде белдесетін Галбадрах Загребте өткен Гран-при турнирінде чемпион атанып, 700 ұпайға иелік етті. Бұл спортшының рейтингте жоғарылуына мүмкіндік береді. Бұған дейін оныншы орында тұрған отандасымыз алтыншы сатыға тұрақтады. Айта кетелік, Галбадрах Отгонцэцэг Загребтегі Гран-при финалында франциялық Милана Клементті «иппон» ұпайымен жеңді.